Au demeurant, SIRE, vostre bien-faict est iuste,
& bien colloqué. Vous obligez vne sorte de gens,
qui peuuent seruir à l’aduancement & celebration de
vostre gloire : qui employeront d’oresnauant le loisir
que vostre Magnificence Royale aura donné à leurs
Estudes ; les vns à bien dire ; les autres à bien escrire
de vous. Et si Alexandre trouuoit Achilles heureux,
d’auoir rencontré vn Homere, qui luy a dressé vn monument
si superbe, en son Illiade ? Vostre Majesté
s’acquiert, sinon des Homeres, des plus beaux esprits
de la France pour l’immortaliser. C’est donc a elle
que s’adresse premierement c’est humble REMERCIMENT ;
le quel bien qu’impoly & habillé à la rustique,
ne lairra pas d’auoir bonne entrée au Louure. Car
comme vn Ancien disoit des Dieux, qu’ils ne regardoient
pas tant à l’elegance des prieres qu’au cœur de
celuy qui les fait. Ainsi les Roys obseruent plus la volonté,
que l’ornement des paroles. C’est à vous, dis-je,
Restituteur de nos droicts & honneurs : l’Astre du
flux & reflux de nos affaires, premier mobile, grand
Esprit, par qui ioüent les autres esprits & ressorts de
vostre Royaume, à qui est deuë la souueraine reconnoissance
de ceste faueur. Et puis auec vostre bon
plaisir, nous en aurons de l’obligation, à Messieurs de
vostre Conseil. Car s’il est vray, ce que Pline escrit,
qu’vne espece de poisson nommé Murex, estoit grandement
reueré au Temple de Venus Guidienne, pour
auoir arresté vn nauire de Periander ; en s’y attachant,