ont exercée iusques icy, de se mettre en ce nombre,
est donc pareille à celle de Philoxene, qui alloit sur
l’heure du repas, sans prier és maisons d’autruy, accompagné
de garçons qui portoient, l’vn du vinaigre,
l’autre de l’huile, & autres choses de peu de prix, auec
lesquelles il faisoit les sausses ; & puis s’inuitoit de luy-mesme,
souz ombre de ces menus fatras, & s’asseoit
entre les conuiez pour en manger.

Ils se promettent pourtant de parer au coup de
l’Arrest, par deux moyens. Le premier est, qu’au
commencement, par vne intelligence qu’ils auront
entr’eux, ils reculeront aux expeditions, & refuseront
aux Aduocats les appointemens raisonnables pour
les harceler. Le second en baillant de l’argent, se promettans,
qu’on ne les veut qu’effeuiller, ou esbrancher
comme des arbres luxurians. Comme s’il y auoit
bien de la conscience, & qu’il fallut chercher vn specieux
pretexte, & prendre vn grand tour pour aboutir
là. Quant à ce qu’ils pensent fascher les Aduocats,
c’est vne pauure inuention ; tous leurs efforts seront
vains, & leurs traicts demeureront pendans à leur
bouclier, comme iettez d’vne vieille & debile main.
Et comme Pline dict, que les Ours ont la teste aussi
tendre, que les Lyons l’ont dure, & que l’on a veu
souuent és combats des Ours qui se faisoient és Colyzees,
c’est animal tomber tout roide mort, d’vn
soufflet, ou d’vn coup de poing qu’on luy donnoit. Ainsi
en ces chicaneries affectees, les Aduocats comme