affliction, fut restably. Si les François auoient esté
obligez à ne prendre garde aux deportemẽs de leurs
Rois, ils auroient commis de grands crimes de les
deposseder. Quand Charles Martel successeur de son
pere Pepin en la Mairrerie du Palais fut esleu le premier
Roy de la 2. race de nos Rois par les Estats Generaux
de France, estoit-ce sans auoir authorité de
ce faire, & sans sçauoir par experience ses merites
d’vn costé, & les demerites & indignitez, des Rois
Faineans de l’autre ? Pepin tres-digne Roy & successeur
de son Pere Charles Martel composa les Estats
Generaux qu’il appella Parlement, & ordonna que
rien ne se feroit en l’Estat que de leur cõsentement.
Rien au mõde ne peut tant asseurer l’Estat des Rois.
Charlemagne & Caroloman freres receurent pareillement
leur partage des Estats Generaux, & n’ont
iamais rien entrepris de consequence sans leurs aduis
& consentemens non plus que leurs successeurs,
iusques au temps que venans à defaillir & perdre les
vertus necessaires aux Roys par leurs mauuaises vies
& faineantise, en ont laissé la successiõ à Hugues Capet
Maire du Palais, premier & tres-digne Roy de
vertus, d’experience & de generosité en la 3. race,
par l’élection qu’en ont fait les mesmes Estats de
France au preiudice du legitime successeur, Charles
Duc de Lorraine, qui s’estoit rendu indigne de la
Couronne de France. Si toute puissance est Dieu.
Comme monstre l’Apostre aux Romains chap. 13 la
puissance des peuples qui ont esleu Hugues Capet à
la Royauté, est donc de Dieu, comme aussi celle du

Page précédent(e)

Page suivant(e)