Neufue S. George pour estre plus proche de
Corbeil, & fit faire vn Pont de Batteaux sur la
riuiere de Seine à Ablon, pour la passer & repasser.

Monsieur le Prince fit courir le bruit qu’il
alloit assieger Corbeil & Melun, pour rendre la
riuiere libre, sans découurir son dessein, qui
estoit d’aller auec cette armée combattre celle
de ce Mareschal ; lequel tenant cela pour asseuré,
s’auança vers Ville-Neufue Sainct George pour
aller secourir Corbeil.

Mais voyant Monsieur le Prince aller droit à
luy auec toutes ses forces : il se posta sur vne
Eminence prés Montgeron, au dessus Ville-Neufue
Sainct Georges, & mit quelques soldats
à la garde du Pont de Batteaux qu’il auoit
fait faire à Ablon, il se retrancha sur cette Eminence
auec sept canons, pour n’estre forcé d’en
venir à vn combat.

Dans cette Armée se trouuent sept Princes ;
Sçauoir :

Monsieur le Prince.

Le Duc de Lorraine.

Le Duc de Beaufort.

Le Cheualier de Guyse.

Le Duc de Vvitemberg.

Le Prince de Tarente.