& intelligence, voulant se seruir de l’occasion
de nos guerres ciuille, trauaille à faire vne puissante
ligue auec les Princes & Republiques d’Italie, pour
en chasser les François & reprendre Cazal, Monacho
& autres places que le Roy a conquises par le bonheur
de ses armes : Ce Cardinal y ayant semé la diuision
& altere les cœurs & la bonne volonté que les
Princes & Potentats Italiens, auoient pour la France,
de laquelle ils ont tousiours esté puissãment secourus
lors que l’Espagnol leur a fait la guerre : mais depuis
que Mazarin y a entretenu des Corsaires & des Pyrates,
il les a rendus ennemis de la France, pauure, Frãce
malheureuse en ta condition presente, de voir que
pour maintenir vn estranger & tyran on y voye les
François armez contre les François, courir à ta ruine,
deschirant tes propres entrailles, & mettre l’Estat
au bord de sa perte, pour assouuir ce monstre impitoiable
& altere du sang de ton peuple.

Il est si insolent qu’au lieu de s’arrester dans le cours
de sa malheureuse conduite, & dessaier à se retirer
pour contenter la France, de laquelle il s’est rendu ennemy,
il recherche s’authoriser plus que iamais par de
nouuelles aliances qu’il proteste, comme celle du
mariage de l’vne de ses niepces auec le fils du Duc
de Boüillon, auquel il promet des Gouuernemens &
des Benefices, comme si la France dependoit toute de
luy & qu’il en peust disposer à son plaisir à, ce subjet
il a fait allé en Cour, le mesme Duc de Boüillon luy