mais estans proches de Harfleur ayant descouuert
quelque Caualerie, l’espouuante les saisit,
& se ietterent dans le Marets auec telle confusion
& desordre qu’ils ne peurent se retirer au
Haure qu’à dix heures du soir, il est vray que la
garnison n’estant entretenuë comme du temps
du deffunct Cardinal, les Officiers qui y commandent
sont plutost retirez dans ce lieu pour
profiter de la vente du sel que pour se mettre en
estat de seruir.

Le mesme iour sur les cinq heures du soir la
compagnie du sieur du Parc se rendit à discretion,
les soldats au nombre de hoctante furent
menez au Chasteau de Tancaruille, & les Officiers
à Roüen.

En suite les compagnies de l’armée de Monseigneur
de Longueuille furent mises dans le
voisinage de Montiuiller, dont le sieur de Breteui
le Fresquiennes, Gentilhomme de Monseigneur
de Longueuille, & Commissaire general
de ses troupes en ayant pris quelques vnes, alla
assieger le Chasteau du sieur de Fontaines Martel
sur Bollebec dans lequel il prit cinq pieces de
Campagne lesquelles il fit conduire à Roüen le
Mercredy vingt-quatriesme du Courant.

Le Mercredy la nuict qu’il est sorty quatre