Monsieur de Beaufort a dit, Qu’il auoit
creu estre oblige de venir remercier la
Compagnie de la bonne Iustice qu’il auoit
receuë d’elle, & pour luy declarer qu’il
estoit prest de se de mettre de la charge de
Gouuerneur de Paris, qu’il n’a acceptée
que pour le bien & seruice de la Compagnie
& dü public.

Monsieur le President de Nesmond a fait
response au premier discours de Monsieur
de Beaufort, qu’il n’auoit point d’obligation
à la Compagnie qui n’auoit fait que
ce que la Iustice ordonnoit, & qu’il les asseuroit
de la part d’icelle, au second qu’elle
sçauoit bien comme il auoit accepté la
charge de Gouuerneur de Paris, qu’il ne
pouuoit s’il l’auoit agreable s’en demettre
iusques à ce que l’on eust veu les affaires
presentes en meilleur estat qu’elles n’estoient,
qu’il voyoit vne bonne disposition
pour les terminer.

Son Altesse Royale a representé qu’elle
auoit baillé des passe-ports aux Colonels
du iour d’hier, qu’ils luy auoient faict entendre
deuoir partir pour la Cour dans ce
iourd’huy :de sorte que toute la Compagnie