Tellier, & Lyonne, sur lesquels Monsieur le
Prince fondoit ses deffiances, les deux premiers
auoient rendu du seruice à l’Estat du
temps mesme du feu Roy, que Monsieur le
Prince n’en deuoit prẽdre aucun soupçon,
& que le troisiéme estoit son domestique,
& qu’elle s’estonnoit qu’on parlast encor
de les éloigner ; qu’elle estoit tousiours
preste de donner à Monsieur le Prince les
mesmes seuretez qu’elle luy auoit tousiours
offertes.

Est à remarquer que cette response estoit
contenuë dans vn escrit qui commence,
Messieurs, & qui n’est signé de personne :
ce qui a fait dire à la Compagnie qu’on n’y
deuoit point prendre creance aucune ny
de la part du Roy, ny de la Reyne, qui n’a
pas accoustumé de parler en ces termes,
ny mesme d’aucun Ministre ; puis qu’il n’estoit
point signé. Et en effet M. le premier
President a témoigné aux Gens du Roy
qu’il y auoit quelque chose à dire à la forme ;
& apres quelques contestations entre
luy & les Gẽs du Roy, il s’est éleué vn bruit
dans la compagnie : & tous ont dit qu’il