vit au plustost leurs Maiestés, pour satisfaire
au deuoir de sa naissance, & leuer tous
les ombrages que l’on prenoit, du delay que
Son Altesse apportoit à rendre cette visite ;
Monsieur le Prince se crût obligé de tesmoigner
les raisons, qui l’auoient contraint
d’en vser de la sorte, contre ses inclinations
toutes Royalles, & portées au seruice du
Roy, à la grandeur de la Monarchie, au
repos & à la tranquillité de l’Estat ; que ses
actions passées l’auoient assés fait connoistre,
& iuger à tout le monde, qu’il ne le
pouuoit dementir par vne conduite contraire ;
sur quoy sa modestie l’empescha de
s’estendre, Ratus conscientiam facti satis
esse ; Il parla en suitte de ses soupçons,
& nota quelques conferences que l’on
auoit tenuës, & dans lesquelles on auoit
proposé d’entreprendre sur sa liberté ; Il
s’expliqua fort sur les intrigues qui continuoient
auec le Cardinal Mazarin, sur le
commerce d’hommes, & de lettres qui s’entretenoient
nonobstant toutes les Declarations
faites au Parlement ; designa mesme
les nommés Bertet, Fouquet, Brachet

Page précédent(e)

Page suivant(e)