& estans paruenuës en ce pieux & respectueux lieu, les
Majestez susdites furent aussi doctement que disertemẽt
haranguée par Monseigneur le Coadjuteur, où cét incomparable
Prelat ne manqua pas de rendre vn grand
tesmoignage d’affection, & n’oublia pas de representer
la misere publique, & les torts qu’auoient apporté à leurs
Estats les fauteurs de la guerre, & l’iniustice qu’auoit
receu vn Peuple tres-innocent & zelé pour leur seruice ;
& apres que sa Harangue fut finie & que ce docte
Prelat eut conclu toutes ses periodes, qui ne tendoient
qu’au repos de la France & pour la gloire de Dieu,
il se r’assit ayans ses habits Pontificaux, circonuenu de
tout le Clergé & Chanoines, fut faites de grandes ceremonies,
suiuies des prieres ordinaires & d’vne grande
Messe en Musique, entenduë deuotement par Leurs
Maiestez, à la fin de laquelle elles sortirent escortées du
Regiment des Gardes, entouré d’vne grande foulle de
peuple qui crioit incessamment, Viue le Roy, comme
aussi ceux qui remplissoient les fenestres qui estoient
tapissées, comme aussi les ouans, depuis le Marché-neuf
iusques audit Palais Cardinal. Et la Reyne receut vne
grande satisfaction du Peuple.

Le lendemain Dimanche, le Roy prit son diuertisse
ment comme aussi tous les Princes à voir dãcer Gilles le
Niais sur la corde, & à faire les sauts perilleux, à marcher
auec des eschasses éleuées de six pieds de haut, se promener
auec par dessus les imperialles des carosses ; auec vn
Ballet qui fut fait ensuitte par le mesme Gilles accompagné