Les Arrests du Parlement donnez contre ceux qui
comercent auec luy, ne sont que des couleurs pour
amuser le peuple ; la negociation continuë auec ses
Emissaires ; il attente de Cologne sur ce qu’il y a de
plus entier & de plus sain dans le Conseil du Roy ;
sa Maiesté ne sert que pour authoriser de son nom
toutes ses entreprises ; puis que son propre sang
n’est pas exempt de ses persecutions dans la personne
mesme de ses plus proches s’ils osent parler pour
le bien de son Estat, & le repos de son peuple. Sa
iustice est differée par les artifices du Cardinal, & ses
parolles Royales sujettes au manquement de foy,
& aux fourbes, aussi bien que celles de cet Italien ;
Enfin toutes choses sont conduittes dans son Conseil
selon les inclinations de ce Ministre banny. Ce
que l’on fait auiourd’huy dire au Roy, on le nie
deux iours apres, si l’on fait declarer à sa Maiesté
qu’elle n’a point consenti au mariage de Monsieur
de Mercœur, on enuoye vn autre Messager au Parlement
asseurer la Compagnie que la consõmation
s’en est faite en sa presence, & par son cõsentemẽt.
Enfin l’on fait paroistre le Roy par tous les carefours
de Paris en Declamateur, en Autheur de libelles diffamatoires,
& en Calominiateur de la plus belle
vie, qui ait respiré sous le regne de tous ses predecesseurs.
On luy fait blasmer la conduitte de M. le Prince,
de qui sa Majesté a receu plus de seruices, de plus
essentiels au salut de son Estat, de plus importans à la