Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44.
I’estois bien abusé, De n’auoir mesprisé, Tous vos presens, cõme vn apas fatal, D’où d’escriuoit la source de mon mal Helas ! si j’eusse creu, N’en remporter que ce que i’ay reçeu Vous n’auriez pas par artifices Contre la raison Fait armer Chastillon.
Dans le sang des François, Contre-venez les Loix, Vous flestrissez, ces Lauriers plains d’effroy Que vous cueillaste à Lens & a Rocroy, Vous tachez vostre Nom, Et faites tort à celuy de Bourbon, Montmorancy aura la honte, De voir ses nepueux Prendre vn party honteux.
Mais encor n’estre rien, Pour vn Prince Chrestien, Que de songer, a dresser des Autels Aux faux honneurs que cherchent les mortels, Craignez vn Souuerain Plus grand que vous, & redoutez sa main, Si a punir elle est trop lante Son bras tout puissant N’en est pas moins pesant.
Pouuez-vous bien sans peur, Sans crainte & sans frayeur, Paroistre vn iour, deuant vn Dieu Puissant, Auec vn bras rougy de vostre sang Grand Prince où fuyrez-vous, De quelle sorte esuiter son couroux Estant dessus, de toute asile, Il n’est point de lieu Contre l’Ire d’vn Dieu.
FIN. Les trahysons de Mazarin descouverte ; Auec le Salué Regina, & l’Inmanus, qu’il doit chanter à la mort : sur le chant, De Lampon, &c.
Faudra pour punitions, bis. De toutes mes trahysons, bis. Qu’en tres-belle Compagnie Salué Regina je die, Deplus deplus, Et aussi mon Inmanus,
Ie suis pauure Cardinal, bis. On veut que ie fasse vn bal, bis. Dont la pitoyable dence, Se fera a la potence, Deplus deplus En disant mon Inmanus.
Qui fait que ie suis hay, bis. C’est que i’ay par trop trahy, bis. Car i’ay causé que la France, Est en vne grande souffrance, Faudra, faudra, Chanter Salué Regina.
I’ay enleué tout l’argent, bis. Qui rond le peuple indigent, bis. I’ay tant fait de Monopoles, Et tant vollé de pistoles Qui faudra, qui faudra Chanter Salué Regina.
N’auois-ie pas vn grand tort, bis Tenir Monsieur de Beaufort : bis. Dedans le Bois de Vincenne, Mais i’en porteray la peine, Me faudra, me faudra, Chanter Salué Regina.
Puis i’ay tint dans vne tour, bis. Monsieur la Mothe Haudancourt, bis. Faisant mourir ie le nemme, Monsieur Barillon braue homme, Trahysant, trahysant : A Courtray semblablement.
Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44. |
|||||