Demosthenes, Demosthenes imita Pericles, & Pericles
imita Pisistrates, & ainsi du reste. Ce nom d’homme
d’Estat est de si grande estenduë, qu’il se trouue
peu de personnes qui en soient dignes. Nostre vie est
trop courte pour se pouuoir bien instruire d’vne doctrine
si Royale & si difficile : & l’esprit d’vn homme
seul, est trop peu intelligent pour bien conceuoir ses
mysteres.

Les sciences comprennent tout ce qui peut aller
à la demonstration : mais la prudence politique ne
s’exerce iamais que dans les changemens & les reuolutions
des affaires. La premiere tient tousiours le
grand chemin de la raison, & celle-cy ne se conduit
que par les motifs de la preuoyance. Celle-là marche
dans vn chemin éclairé, & la derniere ne s’exerce
iamais que dans l’obscurité des choses futures.

Et comme il est impossible de trouuer vne Republique
telle que Platon se l’est figurée, ny vn Orateur
comme Ciceron le veut, ny mesme vn Capitaine de
la sorte que Xenophon le demande : ie tiens qu’il est
aussi impossible de trouuer vn homme d’Estat, de la
sorte qu’il nous le faudroit, pour bien conseiller vn
grand Prince comme le nostre. Les affaires de cette
Monarchie sont de trop grand poids, pour pouuoir
estre bien conduits par vne seule teste.

Feu Monsieur le Cardinal de Richelieu, qu’on
croit auoir esté le plus grand & le plus Illustre de tous
ceux qui se sont iamais meslez de gouuerner les affaires
de cette Monarchie, auoit vn nombre infiny de
personnes qui le conseilloient, & qui luy donnoient
les auis de tout ce qui se faisoit, & mesme de tout ce
qui se deuoit faire. Aussi auoit il grand soin de reconnoistre
les seruices que tout le monde s’estudioit
à luy rendre, iusques à donner de grandes pensions à
des esprits. qui ne se trauailloient qu’à le mettre à
couuert de la langue des mesdisans, & à faire éclarer