& des Augustes Parlements, ou autrement la dissention
seroit nuisible, & tomberoit sur le pauure, quid quid delirant reges
plectuntur achini, quelque chose que les Seigneurs facent, le
peuple lachapte, c’est Orace qui le dit : mais ce prouerbe est
vray.

Oratio.

Rendons tous graces à Dieu, dans vn temps ou la zizanie
estoit semée par tout, cette mauuaise semence, qui ne promettoit
à la France que des chardons & de l’yuroye, par l’inuention
pernitieuse de celuy que toute la France souhaitte estre
esloigné.

Redundat
in subditos.

O quel bien que l’vnion de la France, que la ioye, & quels
estrange metamorphose, Dieu y apporte la perseuerance.

C’est la supplication que nous ioignons à nos graces, que
vous perseuerées (Illustre Conseil) de mieux en mieux, ou se
seroit lateram leuare, ou comme toutes les autres nations diroient,
que la paix seroit fainte, ou de peu de durée, est-il
pas vray que cette dissimulation seroit nuisible à tous, il faut
oublier le temps passé, comme dit Caton, Post inimicitias iram
meminisse malorum, encor que dans tous les desordres, aucun
ne rapporte le mal-heur qu’à l’autheur des maux.

Ciceron dit en la loüange de Cesar, qu’il n’oublioit rien
sinon les iniures, ce fut le sujet de ses victoires, par son noble
courage.

Iul. Cæsar
obliuiscebatur
iniurias.

Ceux qui sont sujets à vn Prince, se rendent-ils pas entierement
complaisans, encor que dans ses affaires, les malins
ayent agy à la depression de l’vn, pour enseuelir tout le reste
dans vn autre mal-heur, faisant passer le plaire, pour commettre
le deplaisir au detriment de toute la France.

Octauien dit vn iour à Herodes, qui auoit esté pour Anthoine
contre luy : Et qu’il auoit voulu destruire Octauien,
pour bien seruir son maistre.

Non inuidemus virtutibus : Respondit Octauien, nous ne
hayssons la vertu, si tu as esté loyal à mon aduersaire, quand
tu le seruois, tu ne rendras le semblable quand tu seras de mon
party, & luy pardonna tout ; mais il n’y à que cela de difference,
on ne peut dire cela de Mazarin.

Ie considere le procedé des Parisiens, sans hayne, comme