doctrine peruerse & maudite. Tu verras alors trois
sortes de Religiõs en ce Royaume, prends garde
à deux oyse aux qui seront en cage, lesquels s’ils en
sortent vn deux emportera dans son bec vn tison,
& en tel lieu le laissera choir, où l’autre l’allumera
de ses aisles, de telle maniere que le feu qui en
issira malaisement le pourras tu esteindre : Ah
pauure bon homme que feras tu, tu verras derechef
les Eglises brusler, & les Ecclesiastiques
persecutez & tyrannisez : seront pareillement
leurs pechez qui en seront cause : car ils seront
aussi bien que les autres gens si follement disolus
& desbordez, que sera chose hydeuse à voir, &
horrible à entendre ; il te conuiendra alors l’herbe
paistre, si tu veux ta miserable vie prolonger.
Les peuples alors sentiront sur leurs testes les
trois fleaux de Dieu, la peste, la guerre & la famine,
les peuples alors se sousleueront les vns contre
les autres, car ils seront de desespoir esmeus.
Ceux des champs iront cõtre ceux des villes pour
eux saccager, meurtrir & piller, & puis à la parfin
tous ensemblement se reuolteront contre leurs
gouuerneurs, & derechef tous ensemblement
feront host contre leur Roy, ils s’assembleront
dans vne grande plaine, où il y aura vne Croix au
milieu. Helas ! que ce sera bien là la Croix de malheurs,
là sera bataille si cruelle & si espouuantable
que oncques pareille ne s’est au monde veuë.

Page précédent(e)

Page suivant(e)