IE n’ay garde que de ma charge ne m’aquite,
laquelle i’ay de la part de Dieu d’annoncer
aux peuples les cas estranges & épouuantables
qui m’ont esté reuelez, & qui leur
doiuent arriuer s’ils ne se conuertissent à Dieu
par bonne penitence.

Conuertissez vous donc, ô peuples, conuertissez
vous donc, ou autrement si grande diuision
parmy vous arriuera, que le fils soy bandera
contre le pere, le pere contre le fils, le frere
contre le frere. Ah pauure homme que seras
mal-heureux quand tu verras Rome à ta porte :
sera alors que tous mal-heurs commenceront,
quand tu verras tant de pardons prescher ; Gagne
les sera bien fait. Mais helas penses-tu que
ces pardons te seront enuoyez. Alors commencera