aurons l’honneur d’estre plus long temps au
seruice de la plus juste & Majestueuse Reyne qui ayt jamais
manié les Resnes & le Thymon de la France, & le
Septre de nos Roys.

Math. 23.

Psal. [2 lettres ill.].

Cap. 17.

Isaye 18.

Psal. 145.

Psal. 2.

Psal. 90.

Psal. 77.

Psal. 77

Madame, voicy quelques-vns de ses brigands que
nous reconnoissons, & principalement l’autheur des
malheurs de la France, nous croyons qu’ils n’oseront
en vostre presence denier leurs forfaits, vous pouuez
leur parler.

La Reyne au Cardinal & à ses Troupes.

Qve dites vous à cela, Monsieur, & vous autres miserables,
qu’auez vous à respondre à ses reproches honteuses
que ces Messieurs les Curez vous jettent sur le visage,
ie vous ay reçeus icy, & dans mon Palais auec toute sorte de
bonté, vous auez receu toutes sortes de faueurs de la France,
sont-ce là les remercimens que vous me faites, ingrats & meschants
que vous estes ? est ce la reconnoissance que ie devois attendre
de vous, apres la vie que vous tenez de moy ? parlez,
respondez infames sacrileges, qui vous a mis à la teste la pensée
d’vne si lasche trahison ?

Responce.

MADAME,

Helas ! quelle response vous ferions nous, vers qui tournerions
nous les yeux pour demander secours à vne cause qui
n’a point de resource qu’en vostre misericorde, sera-ce vers les
Cieux dont la Iustice diuine à découuert la honte de nostre ingratitude
où plustost vers vostre Majesté que nous auons apres
tant d’honneurs & de bien-faits si meschamment trahie ; nous
vous presentons nos mains & nos testes criminelles, chargez-nous