terra inopem & de stercore erigere pauperem, vt collocent
eum cum principibus, cum principibus populi sui : ce sera
pour lors qu’ils feront dignement eclater la liberté
de leurs sentimens, & la grandeur de leur puissance ;
ce sera pour lors que celuy qu’ils auront eleué à ce
haut point, s’escriera hautement, fecit mihi magna qui
potens est ; Ce sera pour lors qu’il confessera, que exaltauit
humilem ; enfin ce sera pour lors que tous tascheront
de se rendre capables, de s’acquerir la bonne
grace de leur Souuerain, voyant celuy que gloria &
honore coronauit eum, il est donc tres asseuré, que les
Souuerains peuuent faire des fauoris, mais que pour
faire éclater leurs liberalités & leur puissance, ils doiuent
les choisir d’vne naissance peu considerée.

Entrons dans le second point de nostre discours,
& voyons si toutes les personnes doiuent aspirer au
bien de la bonne grace de leurs Souuerains. Il semble
que cette question soit quasi decidée, voyons pourtant
& disons, que toutes personnes doiuent auoir
ces sentimens. Ie le prouue non seulement par cette
raison commune, que tous les hommes ont vne certaine
affection pour eux, qu’ils s’estiment encore plus
qu’ils ne sont, la plus part n’obseruant pas bien cet
apophtegme, [illisible] nosce te ipsum ; mais ie le prouue
par ce commandement de Dieu, petite & accipietis,
quærite & inuenietis, pulsate & aperietur vobis : Dieu ne
commande-il pas à tout le monde de chercher son
bien, & de s’intriguer pour cet effect ? la nature mesme
nous a imprimé ces iustes mouuemens. Et la Morale
nous aprend que omnia bonum appetunt. Se peut il voir