hormis qu’ils ne sont pas meilleurs en vn lieu ou en
vne saison qu’à l’autre.

Quant à nous, ayant veu que la noblesse pretendoit
de se maintenir par tels moyẽs, viuant sans rien
faire, ou plustost voulant viure comme de pirates &
de voleurs. Nous auons fort bien despeché tous les
Gentilhommes du pays en vne belle nuit, & sommes
demeurez francs & libres, & auons conserué
nostre liberté si entiere qu’il n’est point de pere de
famille parmy nous qui ne soit aussi peu suiet à
personne qu’vn Roy.

Mais comme il arriue que ceux qui n’ont point
de Maistre dans vn logis sont les valets de tous,
aussi nous qui ne reconnoissons que Dieu parmy
nous pour Souuerain, sommes contraints estant
hors de nostre patrie de seruir. Et pour conseruer
nostre honneur nous prenons party chez les
grands, & faisons si bien nostre marché que l’auancement
ou l’asseurance de nos gages va tousiours
de pair auec la fidelité de nostre seruice, tant
tenus tant payez, point d’argent point de Suisse.

Ceux qui voudront nous employer à la garde
de leurs personnes ou de leurs maisons ou pour faire
la guerre doiuent faire leur compte qu’ils n’auront
point de meilleurs & de plus fideles gardes ou
soldats que nous, mais aussi doiuent ils prendre
leurs mesures à leur reuenu, à sçauoir qu’ils nous
faut vne fois autant d’estofe pour nous habiller de
viures & d’argent qu’aux autres qu’ils pourroient

Page précédent(e)

Page suivant(e)