Esleuez les grandes Citez,
Norisse des Societez,
Dieux d’vnion & de concorde,
Cigalles qui seruez de corde
Harmonieux en ces bas lieux
Qui ne seroit rien sans les Dieux,
Inspirez d’vne grace infuse
Qu’horreurs dans la masse confuze,
Ors puis que ces enfans sont tels
Qui te vont voir comme immortels,
Sans auoir l’esprit mercenaire
Comme ils ont taché de te plaire,
Si tu daigne les regarder
Ils auront soin de te garder,
Et de publier tes loüanges
Iusques aux Nations estranges,
Support & demeure du Roy
L’amour & l’ame de la Loy,
Comme toy guindé sur leurs aisles
Tiendra leurs routes eternelles,
Et tant que Seine roulera
Le nom de Paris durera.

FIN.