funeste n’y rien si digne d’estre adoré que sa vertu.
Mais de grace, qui sont ceux qui l’accusent si grossierement,
que de luy faire oublier tout à coup le
souuenir de sa condition presente ; qu’ils ne pensent
quelquefois en sa faueur, qu’il est trop sage,
pour vouloir adiouter son malheur à celuy des autres,
& pour ne voir pas ceux qui paroissent deuant
luy tous moittes & tous degouttans encore de leur
nauffrage.

Sa plus grande douleur est d’auoir veu vn grand
peuple longtemps abusé qui a fait plus d’estat de
beaucoup de parolles infideles que de son exemple,
& a iusqu’i-cy preferé des vices estrangers à
des vertus Domestiques : Vostre Majesté ne doit
point desaprouuer cet acte si genereux de son
ame : Mais estre par là, confirmée de sa perseuerance
dans les plus hautes entreprises ; comme en
effet il est prest SIRE. à faire voir qu’il n’est rien
de difficile n’y d’inaccessible à sa vertu, & que la
où les autres treuueront de la peine, il n’y trouuera
iamais que du plaisir & du diuertissement.

Quand il ne seroit pas porté par le glorieux
témoignage de tant d’actions qu’il sçait bien ne
pouuoir pas produire dans vn ame royale comme
la vostre des vulgaires ressentimens, son innocence
se découuriroit assez par la honte & l’infamie
de ces personnes qui l’accusent qu’on connoist
assés pour des gens qui ne sçauroient viure, s’ils
ne viuoient de leur péchez.