où ce Ministre proscrit & inhumain est en horreur & en
abomination, comme le plus meschant & le plus scelerat de
tous les hommes.

D’adiouster incontinent apres ce bel Eloge, en la page 4.
Que le Parlement n’a donné cet Arrest contre le Mazarin, que pour satisfaire
la haine & la passion de peu d’auares, d’ambitieux, & de broüillons,
contre vn Ministre qui s’est opposé à leurs factions, & à leurs cabales,
&c.

C’est accuser de nos defauts les miroirs les plus purs qui les
representent, & charger de nos crimes les Confesseurs qui
nous en punissent & qui nous en blasment. Encore si l’Autheur
de ces rares Sentimens auoit nommé quelqu’vn de ces auares,
de ces ambitieux, & de ces broüillons qui ont iugé & condamné
son confident le Mazarin ; Et puisqu’il n’a point craint d’injurier
le Corps en general, où il veut qu’il se trouue quelque
chose d’Auguste & de considerable, parmy tant d’infamies
dont il le charge, il ne deuoit point apprehender d’en descouurir
les parties honteuses, & ce qu’il y trouue de blasmable &
de defectueux, pour monstrer qu’il est sans impostures, & qu’il
a quelque sujet de se plaindre. Toute la France estant fort assurée
que les Senateurs de cet inesbranlable Parlement, que
l’on a tasché de corrompre à force d’argent, de Charges, de
Benefices & de pensions qu’ils n’ont voulu accepter ny receuoir,
sont ceux-là mesme qui ont voulu que la iustice se fist du
Perturbateur du repos public, du Fleau de l’Estat, & du Corrupteur
des bonnes mœurs. Et si cet Arrest a passé du bonnet,
& par la voye du sainct Esprit, Omnium consensu, comme chacun
sçait ; son Altesse Royale & deux cens Officiers qui ont opiné,
sont des auares & des ambitieux, qui n’ont rien fait que pour
de l’argent, sans neantmoins qu’on puisse dire qui l’a receu ny
deliuré, pour estre encore dedans les coffres du Cardinal insatiable.

De dire pour supplément de calomnie, que cette Illustre &
genereuse Compagnie n’a condamné ce rare & precieux Ministre,
qu’à cause qu’il s’est opposé à leurs cabales & à leurs factions ;
c’est prendre le mensonge pour la verité, & chercher
des accusations dedans les iuges, lesquelles ne se trouuent &
ne se rencontrent que dans l’accusé, & celuy qui le deffend ;