quelque faute, ou vne marque de foiblesse.

Puis remonstrant à sa Majesté les guerres qu’on luy suscite
de tous costez, & donnant le remede pour les faire cesser, il
dit, que le seul esloignement du Cardinal Mazarin peut causer ce bonheur,
dans lequel vostre Maiesté trouuera l’execution de sa parole, le
maintien de son authorité, l’vnion de la Maison Royale, la paix estrangere
& domestique. Et dans la connoissance certaine de cette verité que
personne ne peut contester dans son cœur, nous n’estimons pas qu’il se
puisse trouuer vn homme de bien dans le Conseil, qui donne à vostre Maiesté
celuy de le retenir, sans se rendre complice de la ruine de son Estat, &
attirer sur soy la vengeance du sang François qui s’espand dans tout le
Royaume.

Paroles dignes
d’vn
grand &
vertueux
President.

Voyez si apres ces paroles dignes d’vn President au Mortier,
& d’vn Deputé du plus sage & du plus prudent Senat du monde,
l’Autheur des Sentimens suspects que nous impugnons,
peut auoir quelque sorte de raison d’escrire & de soustenir calomnieusement
comme il fait, que le Parlement a tort de poursuiure
& demander l’execution de la Declaration du Roy contre
le Mazarin ennemy iuré de l’Estat. Et dire en presence d’vn
Roy, d’vne Reine, d’vn Garde des Seaux, de quatre Secretaires
d’Estat, & de tous ceux qui donnent des aduis si contraires
& si pernicieux à sa Majesté, Qu’il n’estime pas qu’il se puisse trouuer
vn homme de bien dans le Conseil du Roy, qui donne à sa Maiesté celuy
de retenir le Mazarin au preiudice de cette Declaration contestée, &
ne rien repliquer là-dessus, c’est montrer ce que peut la verité
dans vne bouche saincte & des-interessée, & comme vn homme
de probité ne doit rien craindre que le vice & l’infidelité.

Ce mesme President de Nesmond qu’on ne sçauroit nommer
assez souuent, representant à ceux qui l’auoient deputé,
les instances qu’il fit à sa Maiesté pour la supplier d’aggreer
qu’on luy leut les remonstrances qu’il venoit de luy mettre en
main, & luy donnant aussi la Declaration verifiée que nostre
Autheur anonime & sans adueu tasche de faire passer pour vn
ieu d’enfant, il luy dit auec sa premiere generosité, Qu’il portoit
cette Patente à sa Maiesté pour luy faire voir, que s’estant voulu engager
la premiere fois à ses suiets, par tant de tesmoignages de sa volonté, ses
Officiers & ses peuples n’auoient fait en cela que la suiure par leurs inclinations ;
& que cet engagement estant lié par la Loy du Prince pleine de