que i’auois dans les affaires, cette felicité se trouuoit
iointe à ma gloire particuliere.

I’ay demeuré en cét estat plus de dix mois, &
plus en disposition de m’esloigner encore dauantage
que de retourner, si i’eusse veu que mon
premier esloignement eust produit quelqu’vn
des effets, qu’on en auoit fait esperer. Enfin i’ay
souffert l’amertume de mes malheurs, auec plus
de constance & de force, que ie n’eusse osé me
promettre, & que ie n’eusse eu en effect sans l’adoucissement,
qu’y a porté l’esperance, dont ie
me suis tousiours flatté, suiuant l’opinion des autres,
qu’ils pourroient auec vn peu de tems contribuër
beaucoup au restablissement de l’authorité
Royale, & en suitte au bon-heur des peuples,
qui despend principalement du restablissement
de cette authorité.

I’auois aussi conceu beaucoup d’espoir, que la
Majorité du Roy seroit vn souuerain remede à
tous les maux, qui affigeoient l’Estat, & à produire
generalement dans les esprits, cét effet
auantageux à Sa Majesté, qu’aucun de ses sujets
n’eust plus d’autre pensée, que de meriter l’honneur
de son estime, & de ses bonnes graces, par
ses seruices ; & par la perte de tout son sang, s’il
eust esté besoin. Mais voyant contre mon attente,
& mes souhaits, que bien loin de cette
vnanime conspiration à ses interests, & à ses volontez,
le feu qui estoit auparauant demeuré