le Royaume, en estat de n’estre pas tout à fait
inutile à son seruice, dans vn temps, où l’on voit
vn party tres-considerable pour ses forces, se départir
de l’obeïssance, qui est deuë à Vostre Majesté,
& s’vnir auec les anciens ennemis de l’Estat ;
& qu’à moins, comme i’ay dit, que tous les
veritables seruiteurs, & tous les fidelles sujets de
Vostre Majesté redoublent leur zele & leur ardeur,
pour contribuër ce qui peut dépendre
d’eux aux bons succez de ses armes, cette liaison
peut faire courir grand risque à la France, qui
par ses prosperitez & ses aduantages, auoit excité
pendant si long temps l’admiration & l’enuie
de toute l’Europe, de deuenir elle mesme vn
objet de compassion, & vn horrible theatre de
calamitez & de desordres.

I’ay encore eu pour principale veuë en cela, la
conclusion de la Paix generale, connoissant qu’il
n’y a point de moyen plus seur pour y paruenir,
que d’abattre les partis qui se sont esleuez contre
l’authorité de Vostre Majesté & d’esteindre le
feu, dont le Royaume est à present embrasé.

Et à la verité, SIRE, si quand les Princes ont
esté pressez par la necessité de leurs affaires, les
prisons ont esté souuent ouuertes aux plus coupables,
& les bannis les plus criminels ont esté
rappellez, pour estre employez contre leurs ennemis :
Ie veux esperer, que la resolution que ie
prends dans vne conjoncture, qui rend indispensables