à quelques vns de leurs particuliers amis, la
prudence humaine vouloit cela & leur faisoit craindre
la puissance lors encor naissante du sieur de Luynes,
qui dés l’instant de la mort du Mareschal s’empara
de tous ses biens au moyen du don qui luy en
fut fait par sa Maiesté, il prit aussi en main le timon
de l’Estat auec vne authorité absoluë & independante,
sa Maiesté se reposant entierement sur luy.

C’est aussi ce qui fit la condemnation, tant de la
memoire du defunt Mareschal que de la personne de
sa femine, & la confiscation de tous leurs biens dont
le sieur de Luynes estoit desia en pleine possession, &
sa nouuelle faueur estoit tellement considerée, que les
Iuges se laisserent persuader à faire ce qu’il desira à la
seule sollicitation qui fut faite de sa part par le Collonel
d’Ornano enuoyé à cét effet de Fontaine-bleau,
où la Cour estoit lors.

Le succés de la sollicitation de ce Colonel fut bientost
apres recompensé de la charge de Gouuerneur
de Monsieur Frere vnique du Roy, & de celle de
Mareschal de France ; le sieur de Vitry fut aussi recompensé
de la charge de Mareschal de France, dés le
iour qu’il fit son execution, & bien tost apres de celle
de Gouuerneur de la Bastille & Conciergerie de la
personne de feu Monsieur le Prince de Condé qui y
estoit lors retenu prisonnier ; Et parce qu’il ne pouuoit
pas continuellement vacquer à cette garde, il la
confioit aux sieurs du Hallier, & Persan ses frere &
Beufrere par luy aussi employez à cette funeste capture.

Mais bien que le sieur de Luynes eust par le moyen
de cette condemnation, l’entier effet de son desir. Il
ne fut neantmoins pas satisfait du Parlement, à cause
que dans le nombre des Iuges plusieurs furent d’auis
de sauuer la vie à cette pauure innocente & la renuoyer
en son pays, de sorte que voulant aussi faire