sont affligees, il faut qu’outre les deuotions
qui se font en general chaque particulier se mette en
deuoir de satisfaire à la Iustice diuine, & que se considerant
comme seul coupable & l’vnique cause de
toutes les miseres publiques, il tasche par des dignes
fruits de Penitence de meriter nostre commun soulagement,
& sur tout par la restitution de l’honneur &
du bien d’autruy, estant tres-asseuré que tous Arrests
ne sont pas iustes, & qu’ils ne seront pas tous receus
comme des tiltres valables pour authoriser nos pocessions
deuant le tribunal de celuy qui iugera les
iustices des hommes.

Enfin, Messieurs du Parlement sont si genereux &
siequitables, ils sont tellement amateurs du salut de
leur patrie, & si bons Peres du peuple, qu’ils voudront
bien en cette occasion imiter le bon Roy Dauid,
ce grand Maistre de la Fronde, lequel voyant
que pour vn seul de ses pechez, l’Ange du Seigneur
auoit desia fait mourir de peste septante mil de ses
plus vigoureux sujets, & qu’il estendoit sa main pour
renuerser & destruire tout Ierusalem, s’escria, disant,
Ego sum qui peccaui ego inique egi : isti qui oues sunt,
quid, fecerunt vsrtatur obsecro, manus tua contra me,
& contra domum patris mei : Ces paroles fleschirent
nostre Seigneur à commiseration, & luy firent dire
à son Ange, sufficit nunc continuè manum tuam ; (C’EST
ASSEZ RETIENS TA MAIN.) Apres quoy
Dauid ayant par l’ordre du Prophete Gad edifié vn
Autel à nostre Seigneur, & offert ses Sacrifices & holocaustes
Pacifiques, Propitiatus est Dominus terræ,
& cobibita est plaga ab Israël.

Messieurs du Parlement, voila vn grand exemple,
faites en vostre profit & le nostre sans aucune remise ;
Il est croyable qu’il ne reste plus parmy vous aucun
de ceux qui ont iugé cette Dame innocente : mais
vous remplissez leurs places, vous estes leurs successeurs,