haberi, ac metu contineri posse credantur ;
animum tamen & audaciam subesse
compertum est. Ignorare non debuit Cardinalis,
Galliam penè totam expilatam esse, &
eò desperationis redactam, vt non nisi occasionem
tumultuandi exspectaret. Sed ille
horum omnium securus, quam euitare diligentissimè
debuit, occasionem obtulit, &
caput ipsum petiit, cuius ad exemplum
membra faciliùs commouerentur. Parisienses
ignaros reputauit & imbelles, & fame
octiduâ facillimè necandos ; Parlamentum
discors & factionibus scissum, nec cum Parisiensi
populo conuenire credidit, (quæ fundamenta
nuperi belli) sed in vtroque lapsus
est. Principes quos neglectos vel offensos
nouerat, fidos sperabat, vel parui momenti.
Contæus Regij Sanguinis neglectim habitus
& sæpè elusus ; Longevillanus expensarum
& dedecoris in congressu Monasteriensi
perpessi non dum integer, Elbovius cum
filiis tribus pensionibus frustratus & in
officiis petitis repulsam passus ; Beaufortius
quinquenni carcere elapsus, & nondum reconciliatus ;
Bullonius exul quasi & vagus,
sine spe, sua, vel promissa æquiualentia recuperandi ;
Hodancurtius, dignitate & bonis
spoliatus, & ob nullam indictam causam carcere

Page précédent(e)

Page suivant(e)