Anonyme [[s. d.]], MOYENS DES REQVESTES presentées à la Cour. PAR MAISTRE GVY IOLY, Conseiller du Roy au Chastelet de Paris, pour raison de l’assassinat commis en sa personne, le vnziesme Decembre 1649. , français, latinRéférence RIM : M0_2515. Cote locale : C_6_32.
Page précédent(e)

Page suivant(e)

-- 7 --

imaginé qu’il abandonneroit la poursuite, & qu’il
se trouueroit surpris de se voir en la bouche d’vn infame
tesmoin, corrompu, repris de justice, & porteur
de Lettres de Cachet.

 

Il sçait que l’on en a voulu gagner plusieurs autres,
que l’on leur a offert de l’argent, que l’on lés a menacez
de la question, il en fera ses preuues en temps &
lieu, & apres la permission de la Cour.

Iusqu’à ce, son innocence le protege, il n’apprehende
point cette maniere de tesmoignage si contraire à
nos mœurs, pour n’auoir iamais esté pratiquée en
France, en quelque occasion que ce soit, & il se persuade
que la Cour ne voudroit pas que les Siecles à
venir remarquassent dans cette auguste Compagnie,
vne espece de consentement & de conniuence à la
conspiration & au dessein formé contre des personnes
dont la vie passee les deuroit mesmes exempter de
toutes sortes de soupçons qu’elle ne souffrira point
cette inquisition contre la liberté naturelle des subiets
du Roy, & qu’elle se souuiendra en iugeant les informations,
qu’il n’y a rien de si essentiellement contraire
à la qualité de tesmoin, que la foy promise &
engagee auant la deposition, & que le premier serment
doit estre celuy que le tesmoin fait à la face du
Iuge lors qu’il s’y presente.

Page précédent(e)

Page suivant(e)


Anonyme [[s. d.]], MOYENS DES REQVESTES presentées à la Cour. PAR MAISTRE GVY IOLY, Conseiller du Roy au Chastelet de Paris, pour raison de l’assassinat commis en sa personne, le vnziesme Decembre 1649. , français, latinRéférence RIM : M0_2515. Cote locale : C_6_32.