depuis vingt-ans, que les vns au lieu de contribuer
aux frais de la guerre, se sont seruis de ces occasions
funestes pour s’enrichir & se gorger de biens, du sang
de leurs freres ; de quoy nous parlerons lors que nous
traiterons des maximes Chrestiennes touchant la
direction des finances.

VIII

La force & l’obligation de cette Loy ne regarde
pas seulement les ennemis externes & estrangers,
qui a main armée & à guerre declarée s’efforcent d’enuahir
l’Estat ; Mais encore s’estend contre les ennemis
internes & cachez & contre tous ceux, qui par rebellions,
trahisons, Monopoles, vols, larcins, vexations,
& par quelque autre voye que ce soit, secrette
ou manifeste, causent du detriment ou au Prince,
ou au bien public ; Et sans doute outre la creance, la
raison naturelle nous enseigne cette verité. Car quelle
loüange donneroit on à vn enfant qui employeroit
tous ses soings, pour guarantir la maison de son pere
de l’incursion des Voleurs, si cependant il souffroit
quelle fust pillée deuant ses yeux par la desbauche
d’vn sien frere, ou par la perfidie d’vn seruiteur ? &
quelle obligation luy auroit son pere d’auoir chassé
les Estrangers, s’il le voyoit les bras croisez considerer
les rauages que luy causeroient des enfans denaturez,
ou des domestiques ingrats, plus grands
peut estre & pires que tous ceux qui luy pourroient
estre faits par des ennemis declarez ? Est c’est en ce
point ou plusieurs se trompent, se persuadant qu’il
n’y a point d’obligation d’assister le Prince de sa personne
& de ses biens que contre les ennemis estrangers
ou rebelles declarez : & cependant voyent tous
les iours les volleries publiques, les rauages &
les ruines de la Iustice & des facultez d’vn Estat,
sans en estre touchez, pour ne dire peut-estre qu’ils
les approuuent, les tolerent & les entretiennent.