vne orgueilleuse opiniastreté nous veulent asseruir & assuiettir contre
l’esperance de liberté que la Prouidence nous promet. Mais est-il
donc possible qu’il y aye des hommes qui veüillent estre esclaues de
leur consentement ? Regulierement il n’y en doit point auoir ; il y en
a neantmoins, & nous auons veu dans les Loix Romaines que des
hommes libres se sont vendus & rendus esclaues à prix d’argent : encore
auiourd’huy nous en voyons qui s’obligent dans les Galeres aux
sujetions de la peine & de la seruitude. Bien dauantage, il s’est trouué
vn homme dans l’armée du Comte Maurice, pendant le dernier
siege de Reinbergue, lequel moyennant vne somme de cent escus
s’offrit à estre pendu pour vn autre sur lequel le sort d’vne decimation
estoit tombé. Son dessein estoit de laisser cette somme à sa femme ou
à ses enfans, ne se voyant pas en estat de leur laisser rien du tout lors
qu’il moutroit, ou par maladie, ou par la fortune des armes. Ces pensées-là
sont horribles & monstrueuses : mais enfin il y a des testes assez
creuses pour les former, & il se trouue des hommes qui ont dépoüillé
l’humanité : des Timons, des Lycantropes, desquels on ne
doit attendre ny religion vers Dieu, ny pieté pour la patrie. Leur
Dieu c’est leur auarice, & cette auarice est la Metropole & l’Arsenac
de tous les maux & de tous les crimes. C’est cette auarice qui a fait les
flatteurs & les donneurs d’aduis ; c’est-elle qui a fait les Maletostiers,
les Fuseliers, & les Intendans. Courons à cor & à cry cette monstrueuse
beste, qui est pire que les Allemands & les Polaques, & plus
pernicieuse à cet Estat, que le Mazarin mesme. Elle est seule capable
d’occuper toutes nos forces, tant elle est terrible, tant elle est opiniastre
& acharnée, & ie ne sçay si l’armée de Paris & celle de Monsieur
de Longueuille seront suffisantes pour la mettre à la raison. Voicy
neantmoins deux aduis que ie tiens indubitables, si on les veut executer
de bonne foy. C’est vne seuere Chambre de Iustice contre les
Maletostiers, leurs fauteurs & adherans, & vne Loy sumptuaire. Par
la Chambre de Iustice on fera repetition & reparation de tous les
larrecins du passé ; par vne Loy sumptuaire on préuiendra ceux de
l’aduenir. Si quelqu’vn a quelque meilleur aduis à proposer, ie suis
prest de l’entendre, & d’y adherer ; car dans cette necessité vrgente, si
nous ne déposons toute sorte de jalousie & d’attachement à nostre
propre sens, nous ne ferons rien qui vaille, & il nous arriuera comme
aux consultations où l’on appelle les Medecins des deux Facultez ;

Page précédent(e)

Page suivant(e)