de Catalogne, qui sont de presentation Royalle,
à sçauoir tous les Eueschez, Abbayes & autres
dignitez fort considerables. La troisiesme raison
est, que ledit Collecteur estant comme la sangsuë
des rentes Ecclesiastiques & vacquantes, il en enuoye
tout le reuenu en Italie, & par ce moyen tire
les doublons, pistoles & argent de Catalogne, iusques
à achepter tout l’argent en œuure & façonné,
qu’il peut auoir, & à charges manifestes de les enuoyer
à Rome, & la Catalogne en cecy, est sœur
de la France ; or comme ces mesmes raisons representées
au Cardinal, ont fait en son esprit des effects
contraires, paroistra aussi son intention contraire :
de sorte qu’il a tousiours conserué en Catalogne
le susdit Sous-Collecteur, sans se soucier des aduis
que l’Ambassadeur de France residant à Rome,
a donné au Consistoire de Catalogne conforme à
son sentiment.