Et pour declarer plus éuidemment nos bonnes intentions
en leur endroit, Nous serons contens de pardonner
volontiers, ou bien de declarer par Acte, que Nous
tenons indemnisez, toutes personnes de nostredit
Royaume d’Angleterre & de la Principauté de Galles
(horsmis les exceptez cy-dessus) pour quelque matiere
que ce soit, qui regarde nos dernieres guerres, & malheureuses
dissentions. Et Nous sommes prests d’accorder
(à l’exemple de nostre cher Pere) à nostre installation à
la Couronne, les gratifications, pour la satisfaction &
seureté de nos bons Subjets en general, & de tous les interests
en particulier, que l’on iugera faire le plus à la
paix & felicité de ce Royaume. Nous declarons en outre
de prester toute l’assistance qui nous sera possible, à
ce que les Parlemens soient restablis dans leur ancien
honneur & dignité ; Nous conseruerons leurs iustes
Priuileges, & contribuërons à reparer les injures & affronts
qui ont esté faits aux membres de cette Cour souueraine.
Et parce que toutes les voyes de jonction & de
correspondance entre Nous & nos bons Subjets, sont
bouchées par l’interposition de la force & pouuoir : à
present prédominant en ce Royaume ; Nous auons partant
resolu de Nous seruir des expediens qui seront necessaires
pour supprimer le pouuoir iniuste & tyrãnique,
qu’on exerce sur eux ; pour chastier selon leurs demerites,
ces meurtriers empourprez du sang de nostre cher Pere ;
pour secoüer ces pesants fardeaux & taxes, sous lesquelles
ils gemissent à present, & pour recouurer nos iustes
droits, & les anciennes libertez & franchise de la nation
Angloise ; Ne faisant point de doute, que Nous ne
trouuions tous nos bons Sujets prests de concourir & de

Page précédent(e)

Page suivant(e)