tous les Parlemens du Royaume, & par le consentement
vniuersel des Peuples ; mais nous le voyons
à la teste d’vne Armée composée de scelerats comme
luy, de gens qui sont traistres à leur Patrie & à
leur honneur : Nous le voyons auec tous les fleaux
à la main, qui veut triompher de toutes les Loix, qui
ont tousiours con damné sa Tyrannie, & de tous les
Parlemens qui ont tant de fois prononcé son supplice :
Nous le voyons enfin de retour pour se gorger
de nostre sang, pour enuahir nos biens & nos
fortunes particulieres, à cause que nous auons excité
(quoy qu’auec Iustice) l’horreur & l’abomination
contre luy.

Dans cette fatalité malheureuse, & au milieu des
maux que ce Tyran nous prepare, Il est temps
(chers Citoyens) de voir à quoy nous deuons nous
resoudre, & où nous pourrons trouuer nostre salut :
Il est tẽps d’examiner (& sans preuention d’esprit)
si nous pouuons à present garantir nostre vie, sauuer
nos biens, nos femmes & nos enfans, en recherchant
la Paix auec ce cruel Ennemy, ou en luy
faisant la guerre.

Pour la Paix elle ne se peut iamais faire auec les
meschans, les lâches & les perfides. Faisons reflexion
ie vous prie sur les choses passées, pour en tirer
des consequences in dubitables.

Combien de fois auons nous esté Maistres de la
vie de ce Tyran : Il estoit à la mercy de plus de deux
cent mil hommes armez lors des Barricades, son
crime ne pouuoit estre expié que par sa mort, & par