auoit moyen plus puissant pour estendre & affermir
les bornes de leur Empire, que de se rendre les Maistres
& Souuerains Seigneurs de l’Italie, & de s’acquerir le
tiltre Auguste & Sacré de ROY TRES CHRESTIEN,
& de Fils aisné de l’Eglise, ensemble celuy de Deffenseur
& Protecteur du S. Siege ; Tiltre qu’ils ont laissé à
leur Posterité comme vn precieux gage & marque de
leur bonté & pieté, & pour vne asseurance tres-ferme
& inesbranlable de l’establissement de leur Estat, & de
leur Couronne, c’est pourquoy tous leurs Successeurs
ont employé toutes leurs forces & puissances pour s’en
conseruer le bien, l’honneur & la gloire ; tellement
qu’il n’y a pas encores vn Siecle & demy que Charles
VIII. conquist toute l’Italie, & entra triomphant
dedans la Ville de Rome ; sur les pas duquel, François I.
vouloit passer, quand son malheur & celuy de la France
le rendit prisonnier de son aduersaire : & du depuis
iusques à present nos Roys suiuant leurs traces ont continué
dans ce dessein, & dans cette entreprise, comme
aussi l’Espagnol nostre ennemy a fait tout son effort
pour en chasser & bannir les François : de sorte que
Charles Quint tenoit pour l’vne de ses premieres maximes
de perir plustost, que de souffrir que le Roy de
France y possedast seulement vn pied de terre.

DONC puisque nos Roys & nos Souuerains n’ont
point pretendu auec plus de cœur & d’affection de
joüir comme Souuerains Seigneurs & Maistres d’aucune
autre Prouince & Royaume, ainsi que de celuy
d’Italie, estant aussi le plus important à leur Empire ;
n’est il pas iuste de dire que les peuples & personnes