cateur principal & naturel.

Laissant au Lecteur sans passion de voir la conformité
qu’il y a de ces plaintes & de ce procedé,
à cel es que nous faisons auiourd’huy pour vn
mesme sujet ; & de juger sainement & religieusement
de la justice & du respect qui se rencontrent
dedans la conduite de son Altesse Royale,
& du Parlement qui n’ont que le bien de l’Estat
pour object, auec la gloire du Roy, & le
soulagement de son Peuple.

Si on croit que treize ou quatorze Officiers
de ce mesme Senat, qui faussent leur serment,
qui quittent le lieu de leurs Majeurs, & qui
abandonnent leurs places & les fleurs de lys qui
les authorisent, puissent interdire & casser les
Arrests de deux cent Senateurs qui conseruent
le lict de Iustice qui les fait ce qu’ils sont, osent
entreprendre de faire vn changement & vn boulleuersement
d’Estat qui n’est point en la puissance
du Roy mesme, & casser vn Parlement de Paris
qui ne peut trouuer sa fin qu’auec la Royauté,
puis qu’il en est l’Image, qu’il est né & incorporé
auec elle, & que son establissement est vne Loix
fondamentale de la Monarchie, aussi ancien &
aussi inuiolable que la Loy Salique qui tient sa
force & sa conseruation de c’est appuy, & de ce
soustien inesbranlable de la Couronne ; Estant