& la Terre à cette fois veulent combattre comme à
l’enuy, à rendre enfin à cét Estat chancelant & malheureux,
sa premiere vigueur & son ancienne felicité.
Apres ce la nous croiriez-vous moins affectionnez
pour vous que nos ennemis, moins zelez pour
le salut & l’honneur de nostre Patrie ? ou moins remplis
d’impatience & d’amour, pour luy procurer desormais
& apres tant de tempestes vne ferme & heureuse
Paix, qui la donne en suite à toute la Chrestienté ?
Vous n’aurez pas de si bas sentimens de
nous, & nous nous asseurons que sans vous coucher
plus au long les nostres, vous serez parfaitement
persuader que comme nous ne pouuions auoir
de plus iustes, aussi n’auons nous iamais eu de plus
[2 mots ill.] que de vous tesmoigner promptement
& par effets que nous sommes & demeurerons
inuiolablement,

MESSIEVRS,

Vos bons & fideles amys,
les Habitans des Prouinces
de France.