Anonyme [1649], LETTRE BVRLESQVE A MAZARIN. , françaisRéférence RIM : M0_1816. Cote locale : C_4_42.
LETTRE BVRLESQVE à Mazarin.
Vostre Eminence a tant de charmes Monsieur Mazarin, que mes carmes Veulent malgré moy s’en aller Pour vous voir & pour vous parler, Et comme vostre renommée Parmy tout le monde est semée Ils ont grand desir de vous voir Et d’admirer vostre pouuoir, Car la presence d’vn grand homme Comme vous qui venez de Rome Dans vn bruit si doux & charmant Peut donner de l’estonnement, Et vostre brillante escarlatte Qui nous blesse tant elle esclatte, Fait croire aisement à nostre œil, Que vous estes fils du Soleil, Et sa seconde geniture D’vne ambitieuse nature. Mais vous ne ressemblez pourtant Au premier fils qu’il aimoit tant, Qui sortant vraiment de sa race N’auoit rien de mal que l’audace, Et bien qu’il eust l’esprit hautain N’estoit pas vn fils de putain Ie crains bien pour vostre Eminence Vne pareille decadence
Anonyme [1649], LETTRE BVRLESQVE A MAZARIN. , françaisRéférence RIM : M0_1816. Cote locale : C_4_42. |
|||||