que nous sommes tous quatre perdus, portans les
flammes auec nous, & pour te monstrer la verité,
mets ton baston contre ma chaise, ce que le pere
fit & son baston s’enflamma, ce qui redoubla
grandement l’apprehension de nostre petit frere,
Au reste ie te commande, dit ce Phantosme que
tu aye à dire à ce Gentilhomme, que ce Chasteau
dans lequel il demeure n’est point à luy & qu’il ne
luy appartient pas, & qu’il le rende à ce Paysant
qui bat de present à sa grange, & que s’il veut
nous suiure apres sa mort il na qu’a n’en rien faire,
Ie te diray encor de plus, que ie m’estois emparé
du Chasteau durant les guerres Ciuilles du sieur
Conesquin nostre bon amy, & ainsi mes dese ndans
en auoient iouy par succession comme faict
maintenant nostre petit fils. Ces Phantosmes disparurent
à mesme temps laissant vn odeur si puante
& infectee, que nostre pauure petit frere pensa
mourir de mal au cœur & ietter trippes & boyaux
Le Pere le prit par la main & allerent aussi tost
trouuer le Gentilhomme à qui il estoit, bien tard
qu’il u’apprenoit des nouuelles de cette action,
le Pere luy dit qu’il y auoit biẽ du mistere, & qu’il
failloit vn long temps pour raconter cette histoire,
& qu’elle estoit fort estrange, que nonobstant
il luy estoit commande de luy dire & de faire le cõtenu :
Il luy dit donc comme ce Chasteau ne luy
appartenoit pas, & qu’il le failloit rendre à ce Païsant,
& le Gentilhomme entendant prononcer
ces paroles tomba comme en pasmoison, reuenu

Page précédent(e)

Page suivant(e)