Genealogie de ses glorieux Ancestres y deuoit
estre dépeinte auec leurs portraits, leurs
noms & leurs qualitez.

Le Triomphe de Venus Paphienne & celuy de
Cupidon Gomorreen y deuoient aussi estre representés,
auec toutes les friponneries, inuentions
& finesses dont se seruent ceux qui reuerent
ces deux Diuinitez & qui mettent en pratique
l’amour naturel & son contraire.

Au troisiéme Arc de Triomphe son Eminence
estoit resoluë de se faire peindre au naturel au
haut bout d’vne grande table ioüant aux cartes
& aux dez auec plusieurs Seigneurs François &
Italiens, & leur donnant ses premieres leçons du
jeu du Hoc qu’il a inuenté & qui porte son nom ;
La Fortune le hazard & la tromperie y deuoient
estre figurées selon la fiction des Poëtes, mettans
vne couronne de Laurier sur la teste de son Eminence,
comme estant le Prince, c’est à dire, le plus
grand des joüeurs & le plus subtil pipeur qui fut
iamais.

Au quatriéme Arc triomphal, l’on destinoit de
mettre les victoires qu’ont obtenu par toutes les
Prouinces de France, les Intendans de Iustice, les
Exacteurs de tailles, & les Fuzeliers durant le
Ministere de ce grand Cardinal.

Le cinquiesme deuoit estre decoré des portraits
au naturel de ces vaillans Argonautes qui