Il estoit d’vn esprit gaillard
Et s’il estoit vn peu paillard,
Il suiuoit de l’Oncle la trace,
Car les bons chiens chassent de race :
Il estoit habile & des dispos
Et caquetoit à tous propos.
Si donc tu veux que ie te die
La veritable maladie,
Qui renuersa dans le tombeau
Ce beau petit Mazarineau,
A la guerre n’estant Idoine
Du feu de Monsieur S. Antoine,
Fut atteint auec que plusieurs
Autres Mazarins grands Seigneurs,
Ayant voulu reduire en cendre
Son faux-bourg qu’il sceut bien deffendre
Car peu apres il trespassa
Dont son Oncle se courroussa,
Passant dis vne Litanie
Pour que la race soit finie.

FIN.