& Monsieur le Prince de venir prendre leurs places, lesquels
dés l’entrée protesterent à la Compagnie, en foy de Princes,
que la Reyne n’auoit d’autre dessein, que d’executer la Declaration,
& qu’ils estoient venus sçauoir les contrauentions
qu’on y auoit faites.

Quelques-vns de Messieurs ayans témoigné dans leurs aduis
les iustes deffiances & les soupçons que la Compagnie, &
tout le Peuple de Paris auoient, des Ministres & de leurs
ressentimens, que ce qui augmentoit mesme cette crainte,
estoit le nombre des trouppes qui paroissoient aux enuirons
de la Ville, & qui s’aduançoient de tous costés, Le Prince de
Condé par vne entreprise toute ouuerte vsa de mauuaises paroles,
en menaçant quelques-vns de la Compagnie, & leur
ostant la liberté des suffrages.

Toute la France trouuera sans doute estrange, & tous nos
voisins, le procedé de ces deux Princes dans cette occasion.
Car deux ou trois iours apres les protestations qu’ils auoient
faites en plein Parlement, de faire executer ponctuellement
la Declaration, l’on en porte vne autre à la Chambre des
Comptes qui estoit le plus malheureux ouurage qui se pouuoit
iamais imaginer. Car au lieu que dans la violence du
temps & dans le brigandage des Finances, auquel on auoit
pourueu par la derniere Declaration, les interests des prests
que l’on faisoit au Roy, & les remises fussent des crimes couuerts,
& que l’on ne pouuoit voir à la Chambre des Comptes,
tout cela estant employé dans les comptans, l’on vouloit que
les Compagnies Souueraines authorisassent elles-mesmes
publiquement cette volerie, que l’on auoit dessein de continuer,
& pour la rendre encore plus celebre, l’on permetroit
indifferemment à toutes sortes de personnes de s’engager
dans ces prests, c’est à dire dans cette vsure infame, dans ce
peculat honteux, sans pouuoir estre recherchez, sans déroger
à Noblesse, & sans contreuenir aux Ordonnances.

Monsieur l’Archeuesque de Paris & la Sorbonne trouuerent
cette Declaration si contraire aux bonnes mœurs & à la
pureté de la Religion & du Christianisme, qu’ils tesmoignerent
publiquement qu’ils ne souffriroient point du tout cette
corruption dans les consciences, laquelle ne manqueroit