tous les motifs de cette deffense estans fondez sur les premiers
principes de la nature, qui nous obligent à la conseruation de
nous mesme, le Parlement ne doute point que son action ne
reçoiue non seulement de l’approbation par tout, mais encore
de l’honneur & de la gloire.

Et de faict, son genereux dessein n’a pas si-tost paru, que les
Princes les plus affectionnez à l’Estat, & nombre de Seigneurs
des plus qualifiez du Royaume, se sont vnis à vn si juste
party.

Monsieur le Prince de Conty a voulu signaler les premieres
années de sa vie pour le salut de son Païs & de sa Patrie,
qui luy est incomparablement plus chere que l’interest d’vn
frere, qui s’est laissé surprendre par les artifices d’vn pernicieux
Ministre, qui l’a obligé d’armer contre sa propre grandeur,
& l’honneur de sa reputation.

Monsieur le Duc de Longueuille, qui est vn des plus sages
Prince de l’Europe, & qui a tousiours eu part à toutes les
belles actions qui se sont faites pendant sa vie, a creu qu’il ne
pourroit plus rien desirer pour sa gloire, s’il pouuoit rendre
ce seruice à l’Estat, & contribuer de ses forces & de son credit
pour en chasser les monstres, & tous les Geans qui se sont
assis sur le Trosne des Dieux, & emparés de l’authorité
Royale.

Monsieur le Duc de Beaufort s’y est aussi engagé, non pas
par ressentiment, puisque sa paix estoit faite, mais plustost
par son courage, & par sa propre generosité.

Monsieur le Duc d’Elbeuf auroit pensé degenerer de ses
ancestres, & de ses Illustres Predecesseurs, à qui les Peuples
doiuent leur Religion & leur salut, s’il ne leur auoit pas
donné sa prorection dans vne occasion si importante.

Monsieur de Boüillon, Illustre par tant d’actions memorables,
& de victoires signalées. Monsieur le Mareschal de la
Mothe qui a porté la reputation de l’Estat & de son courage
iusques au centre de l’Espagne, où il a gaigné vnze batailles,
& fait sentir la pesanteur de son bras. Monsieur de Vitry,
Monsieur le Prince, de Marsillac, Monsieur de Narmontier,
& tant d’autres. Seigneurs considerables par leur naissance,