Quod mare nunc, terrasque minis, cælumque fatigat
Iniustè, indigenas, viduas, iuuenesque, senesque,
Opprimit, & cogitat quod bella cruenta parantur
Vnius hospitio, multis cui feruida mens est
Criminibus, vitiis, quorum si nomina quęras,
Promptius expediam quot villas possideat nunc,
Quot nummos habeat, patriam qui vendidit olim.
Dum hæc Sangermanicæ Turmæ crucianda videntur
Qua muis dona potens acceperit, hęc ob ocellos
Crœsum & Alexandrum ponit, fortemque Cethegum,
Ac Priamum, quem vox iusti facunda Solonis
Respicere ad longè iussit spatia vltima vitæ :
Hunc Machionem, Regem Anglorum quem citò mortis
Abstulit Atra Dies, & sanâ mente veretur,
Quin lachrymas iustè risus trahat, vltio fiat
Acrior, huius enim rari sum mique voluptas
Nulla boni, quoties animo corrupta superbo est ;
Plus aloës quam mellis habet, crimenque fatetur
Quodque diu & noctu patrauerat iste Minister,
Illius hinc finem, Æquo decernente Senatu,
Optante & Populo, meditatur Regia Turba
Exultans, clamat, pueris nunc ludus adesto :
Has toties Optata exegit gloria pænas,
Tu, Deus, ex alto qui prospicis omnia cælo,
Perspicuusque vides sit quanta ruina tuorum,
Consule militibus sacris, & consule templis
His Ducibus prohibe ne bella cruenta gerantur,
Fac vt sint pietate graues, & lumina pacis,
Infer Te Medium, Regem concede petenti,
E Cælis ambosque iube discedere ab armis,
Coge Domum Armipotens, nunc alter & alter vt intret,
(Extincto monstro) victor se iactet vterque
Victorem ad gallos rediisse Optante Senatu.