auancer les troupes de l’Archiduc qui sont
au corps d’armée du Duc de Lorraine, &
marcher à leur teste. Lesdites troupes se
montent à trois mil Cheuaux & 150. Fantassins,
qui joints auec cinq mille Liegeois
feront vn corps tres-considerable auec les
troupes qui sont à Paris.

Les troupes leuées à Paris dont la reueuë
se fit le vingt-huictiéme de ce mois dans les
Prez aux Clercs, & qui se montent à cinq
cens Cheuaux & quinze cens Fantassins, doiuent
partir en bref sous la conduite de Monsieur
le Duc de Beaufort, pour le renfort de
l’armée de Son Altesse Royale, qui est toûjours
à Estampes : ce qui ne donne pas peu à
songer au Cardinal Mazarin, tous les projets
duquel se trouuent suiuis d’vne malediction
aussi manifeste, que la cause pour laquelle il
les entreprend est injuste & digne de la haine
publique.

Dans les deux combats qui se sont donnez, voici
les noms des personnes de remarque du party contraire
qui ont esté tuez & blessez, six Capitaines
tuez, le Cheualier de la Vieuuille blessé à mort, le
Comte de Grand-pré tué, le neveu du Cardinal
Mazarin, nommé Manchiny, blessé au bras d’vn
coup de pistolet. Le Roy est au Mesnil-Coulon, à
deux lieuës d’Estampes.

FIN.