respect que l’on doit au Souuerain donne
des resolutions qui surprennent les esprits
des bons & des mauuais François, & qui
nous font esperer, que sa Majesté connoissant
la justice de ses Remonstrances, & le
tort que le Cardinal Mazarin fait à son Authorité,
l’abandonnera à la rigueur des
Arrests si legitiment rendus contre luy, ou
du moins l’esloignera d’aupres d’elle : Ce
que nous deuons tenir d’autant plus, que la
défaite des troupes dudit Cardinal Mazarin
le met en si mauuaise posture, & dans vne
telle consternation, qu’il medite déja, à ce
qu’on nous asseure, les moyens de se retirer ;
& que sa Majesté, quoy que continuellement
obsedée par les Partisans de ce mauuais
Ministre, ne pouuant perdre la tendresse
naturelle qu’elle a pour ses sujets, &
principalement pour la ville de Paris, ne respire
autre chose que de s’y rendre en bref, &
de rendre à toute la France la tranquilité
& la paix, apres laquelle tout le monde
soûpire.

FIN.