ce qui s’y passa il y a quelques iours, & ce qui
se fait tousiours aux Assemblées de la Cour,
où ne se treuue aucun President, & que fort
petit nombre de Conseillers, obligez la pluspart
à suiure les mouuemens que leur donne
la presence de son Altesse Royale, & de
Monsieur le Prince ; Et que pendant ladite
Conference, on trauailleroit aussi à l’esloignement
dudit Cardinal Mazarin. Cette response,
signée Louys, & plus bas de Guenegaud,
ayant esté enuoyée par Messieurs les
Deputez, auec l’auis de tout ce qui se passa
hier au sujet de leur deputation, portant que
le Roy leur ayant commandé qu’ils se disposassent
à le suiure, à quoy ayans respondus
qu’ils ne le pouuoient, leur commission étant
finie, & sa Majesté leur ayant deux fois fait
la mesme instance sans qu’ils ayent respondu
autre chose qu’ils estoient obligez ayant eu
response de sa Majesté de s’en retourner rendre
compte à la Compagnie de leur deputation.

Le Roy les congedia, & que le lendemain
Mercredy dix-septiesme, le Comte de Seruient
les estant venu trouuer de la part du
Roy, il leur auoit dit, que puis qu’ils estoient