temps, que de penser agir auec eux par des
moyens pacifiques, puisque les leur proposer
& donner la genne à leur naturel, c’est faire
quasi la mesme chose. Ainsi le Cardinal
Mazarin, que l’experience nous a fait voir
en tant de differens rencontres, porté à ne
terminer les guerres funestes qui desolent
la France, que par la ruine entiere de l’vn des
deux partis qui la diuisent, a tousiours fait
ce qu’il a peu pour empescher que les choses
se composassent a l’amiable, ce que Messieurs
les Princes & le Parlement ont tesmoignez
souhaitter par tant de diuerses deputations
qu’ils ont faites à cét effect, & notamment
par la derniere, qui ayant duré vn mois & dauantage,
n’a toutefois pas eu plus de succez
que les precedentes, & n’a seruy qu’à faire
découurir de plus en plus les mauuaises intentions,
& les fourberies du Cardinal Mazarin.

Ce cauteleux Ministre ayant fait donner
audiance, voyant que la Response ambiguë
qu’il fit faire l’vnziesme de ce mois à Messieurs
les Députez, n’auoit produit l’effect
qu’il s’estoit promis, & que Messieurs les
Princes & le Parlement iusistoient à son esloignement