conseruation & leur deffense, estimant par ce
moyen entretenir nos troubles vn plus long espace
de temps : & veritablement ne pouuãt auoir
la paix, il est à presumer qu’il est fort aise de nostre
guerre intestine, laquelle il s’efforcera toûjours
de fomenter autant qu’il pourra, car voyant
que les intelligences & correspondances qu’il auoit
auec le Cardinal Mazarin, qui a tousiours
fait ses efforts d’empescher par ses insignes trahisons
les progrez de nos armes victorieuses, sont
rompuës par son bannissement, il n’est pas sans
vne viue apprehension que nos soldats François
par vne prochaine reünion aillent décharger sur
luy tout le fiel de leurs animositez & de leurs fureurs.
Voilà le vray but oú tend cet offre qu’il fait
si finement. Et l’on en peut fort bien iuger par les
precautions qu’il apporte afin d’oster la crainte
qu’on pourroit conceuoir pour tout autre dessein.
L’on voit bien par là que son intention n’est
pas semblable à celle qu’il auoit quand il enuoya
ses troupes à Paris pour s’opposer à l’auancement
de Henry le Grand d’heureuse memoire, lequel
combattoit alors pour la couronne. Ie pourrois
rapporter les autres metamorphoses de l’Espagnol,
comme quand il se change en sanglier,
loup, pan, & autres choses tant sensibles qu’insensibles
& inanimées. Ie pourrois aussi toucher

Page précédent(e)

Page suivant(e)