Cousins. Mais ayant fait auorter toutes ses entreprises
par mes soins continuels & par vne
singuliere vigilance de mon nepueu le Duc de
Beaufort, il s’est retiré, & la Cour a fait semblant
d’approuuer les arrests de sa condemnation
pour menager le temps & l’occasion de son
restablissement. C’est ce que sa faction a pretendu
en le dissimulant & faisant passer pour
pretexte l’esloignement & l’armement du Prince
de Condé. Maintenant qu’on a l’euidence
du contraire & qu’on a violé iusques à la foy
publique & rendu nulle la premiere Declaration
de la Maiorité du Roy pour restablir ce
Ministre : il est temps de s’opposer à toutes les
violences, le retardement ne pourroit estre
que preiudiciable, puisque nos ennemis prendroient
nostre patience pour foiblesse, & nostre
moderation ne fairoit qu’augmenter leur
fierté. Puisque les ennemis de l’Estat se sont
iettés du costé de la force, on ne doit plus esperer
du costé de la douceur, & puis qu’ils nous ont deuancé par des preparatifs à la guerre, toutes
les loix nous obligent à nous opposer à leur violence.
Il est vray, que depuis vn an, on a vsé de
toutes sortes d’artifices pour me surprendre &
pour me faire consentir au retour de cet homme
proscript, on m’a souuent proposé beaucoup
d’auantages iusqu’à vouloir distribuer

Page précédent(e)

Page suivant(e)